Azərbaycan, Bakı, 19 noyabr / Trend , müxbir H.Vəliyev/
Regional Rabitə Birliyi (RRB) Rabitə Administrasiyaları Rəhbərləri Şurası "Şərq-Qərb" transavropa optik-tel supermagistralının yaradılması layihəsi üzrə qərar qəbul edəcək və onu RRB iştirakçılarının gələcək istifadəsi üçün protokola daxil edəcək, strukturun məlumatında deyilir.
Şura RRB-nin icraçı komitəsinə "Şərq-Qərb" layihəsinin işçi qrupunun fəaliyyətində Azərbaycanın Rabitə Administrasiyasına lazımi kömək göstərməyi tapşırıb.
Əvvələr RRB Rabitə Administrasiyaları Rəhbərləri Şurası tərəfindən milli maraqlar nəzərə alınmaqla "Şərq-Qərb"informasiya supermagistralının yaradılması layihəsi üzrə Azərbaycanın təklif etdiyi qətnamənin qəbul edilməsinə fəal kömək göstərilməsi tövsiyə edilmişdi. Qətnamə Azərbaycanın təşəbbüsünü yüksək qiymətləndirən BMT Baş Assambleyası tərəfindən qəbul edilib.
Əlverişli coğrafi mövqeyinə baxmayaraq, Azərbaycan dünya internet mərkəzlərindən uzaqda yerləşir. Onlardan bəziləri Qərbi Avropadadır. Buna görə də Azərbaycan tranzit ölkələrin trafikırindən iştifadə etməyə məcburdur ki, bu da qiyməti xeyli artırır.
Trafikin həcminin artırılmasının və qiymətlərin ucuzlaşdırılmasının daha səmərəli üsulu Avropanı Asiya ilə birləşdirən Transmilli magistralın yaradılması yolu ilə əlavə fibrooptik magistral kanalların yaradılmasıdır.
"Şərq-Qərb" layihəsinin vəzifəsi ümumilikdə 20 ölkəni birləşdirmək və regionun inkişafı üçün lokomotiv rolunu oynamaqdır. Layihənin realizəsi Qərbi Avropa və Sakit Okean ölkələri arasındakı "uçurumu" aradan qaldırmağa imkan verəcək.
Məqalə müəliifi ilə əlaqə ünvanı: [email protected]