Azərbaycan, Bakı, 16 fevral / Trend , müxbir H.Vəliyev/
Azərbaycanda yanvar ayı ərzində təsərrüfat subyektlərinə göstərilən rabitə və informasiya xidmətlərinin həcmi 72,1 milyon manat təşkil edib ki, bu da ötən ilin analoji göstəricisindən 18% çoxdur. Bu barədə Dövlət Statistika Komitəsinin məlumatında deyilir.
Göstərilən rabitə xidmətlərinin ümumi həcmindən 76,7%-i əhaliyə göstərilən xidmətlərin payına düşür. Bununla yanaşı, əldə edilən gəlirlərin 71,7%-i mobil rabitə operatorunun payına düşür ki, ötən ilin analoji dövrünə nisbətən bu göstərici 28% artıb.
