Azərbaycan, Bakı, 19 fevral / Trend , müxbir H.Vəliyev/
Rabitə və İnformasiya Texnologiyaları Nazirliyi Turksat 3A 42 və Hotbird 13 peyklərindən bir sıra televiziya və radio proqramlarının paketli yayımını təşkil edir. Bu barədə nazirliyin məlumatında deyilir.
İşlərin 2010-cu ilə olan tədbirlər planına əsasən həyata keçirilməsi planlaşdırılır.
Böyük ərazilərə yayım peyk rabitənin ən fərqli keyfiyyətlərindən biridir. Nazirlik peyk rabitəsindən istifadə etməklə, televiziya və radio proqramlarının yayım şəbəkəsini genişləndirməyi planlaşdırır.
Nazirlik beynəlxalq yayımlar üçün kanalların Hotbird 13 peykindən yayımını təşkil etməyi planlaşdırır.
Tədbirlər planına əsasən, nazirlik respublika ərazisində televiziya və radio proqramlarının yayımını optimallaşdırmaq, radiomonitorinqin mərkəzləşdirilmiş sisteminin qurulması və 2012-ci ildə istimara verilməsi gözlənilən Azerspace milli peykinin tezliklərinin koordinasiyası üzrə işləri davam etdirmək niyyətindədir.
