Azərbaycan, Bakı, 26 aprel /Trend, müxbir H.Vəliyev/
Azərbaycan Rabitə və İnformasiya Texnologiyaları Nazirliyi Azərbaycanın GSM operatorlarına tezlik resurslarından nazirliyin təklifi əsasında ümumi səmərəli istifadə imkanlarını nəzərdən keçirməyi tövsiyə edib. Bu barədə Azərbaycanın rabitə və informasiya texnologiyaları naziri Əli Abbasov hər üç rabitə operatoru ilə görüşdə deyib.
Abbasov, həmçinin, müzakirələrin gedişində irəli sürülən tarif siyasəti və təklifləri sahəsindəki vəziyyəti birlikdə nəzərdən keçirməyi tövsiyə edib.
Görüş zamanı abunəçilərə keyfiyyətli rabitə xidməti təklif etmək, müasir texnologiyaların tətbiq edilməsi və genişzolaqlı internet şəbəkəsinin inkişaf etdirilməsi ilə bağlı məsələlər ətraflı müzakirə edilib.