...

Azərbaycanın dövlət rabitə operatoru Göyçay telekommunikasiya qovşağının yeni nəsil şəbəkəyə keçirilməsinə başlayır

Telekommunikasiya Materials 7 İyun 2010 15:47

Trend-i buradan izləyin

Azərbaycan, Bakı, 7 iyun /Trend, müxbir H.Vəliyev/

Azərbaycanın Rabitə və İnformasiya Texnologiyaları Nazirliyinin Aztelekom İstehsalat Birliyi Göyçay telekommunikasiya qovşağının NGN texnologiyası əsasında yenidən qurulmasına başlayır.

Nazirliyin məlumatına görə, operator tərəfindən 18 kənd ATS-i istiqamətində mərkəzi ATS-dən tel-optik magistral şəbəkəsinin çəkilməsi üzrə işlər yekunlaşdırılıb və indi kabel magistralına daha dörd kənd ATS-inin qoşulması üzrə işlər aparılır.

Telekommunikasiya avadanlığının təchizatçısı rolunda Sloveniyanın "Iskratel" şirkəti çıxış edir. Bu şirkət yenidənqurma işləri çərçivəsində Göyçay telekommunikasiya qovşağının yeni nəsil şəbəkəyə tam keçidi üçün zəruri telekommunikasiya avadanlığının gətirilməsini həyata keçirəcək.

Hazırda operator tərəfindən yeddi yeni kənd ATS-inin binasının tikilməsinə dair müqavilə imzalanıb. Qalan telefon stansiyalarında təmir işləri aparılır.

İnternetə genişzolaqlı xətt üzrə çıxışın təmin olunması üçün operator tərəfindən 200 yüksəksürətli çıxış portu işə salınıb. İnternet xidmətləri dövlət internet provayderləri olan AztelekomNet və DATA Plus tərəfindən təqdim edilir.

Xəbər lenti

Xəbər lenti