Azərbaycan, Bakı, 9 iyun /Trend, müxbir Q.Vəliyev/
İnformasiya texnologiyaları sahəsində dövlət siyasəti həlledici amildir və "elektron hökumət"in yaradılmasında mühüm rol oynayır. Bu barədə çərşənbə günü "Microsoft"un Mərkəzi və Şərqi Avropada standartlaşdırma proqramlarının rəhbəri Andreas Futsberger Bakıda elektron hökumətin yaradılması məsələlərinə həsr olunmuş konfransda bildirib.
"Elektron hökumət"in yaradılması sahəsində siyasət 5 ildən 20 ilədək vaxt aparır, texnologiyalar isə hər gün dəyişir. Bu gün "elektron hökumət"in inkişafı və yaradılması elementləri ilə bağlı onların daxili birləşməsi və təhlükəsizlik təhdidlərinə səmərəli rəqabətə tələbat yaranır. Hökumət özünü çox vaxt biznes subyektləri kimi aparır. Onlar daha həssas olurlar, səmərəli və operativ reaksiya verir və ölçülər qəbul edirlər. Müxtəlif hökumətlər tərəfindən "elektron hökumət"in yaradılmasında xərclərin azalması, onun göstərdiyi xidmətlərin səmərəliliyinin artırılması əsas amil kimi ön plana çıxır. Bunun üçün əhəmiyyətli investisiyalar tələb olunur", - Fuksberger bildirib.
Onun sözlərinə görə, gələcəkdə göstəricilərin səmərəliliyi bu gün hökumət səviyyəsində qəbul edilən informasiya texnologiyaları və elektron xidmətlər sahəsində investisiyaların səviyyəsi ilə ölçüləcək və böyük önəm kəsb edəcək.
Fuksbergerin fikrincə, "elektron hökumət"in reallaşmasının mürəkkəb aspekti sadə vətəndaşların elektron xidmətlərdən istifadə etdikləri vaxtda hökumətlə qarşılıqlı fəaliyyətə cəlb edilməsidir. Onun fikrincə, bunun üçün qanunvericiliyin təkmilləşdirilməsi və maarifləndirmə tədbirlərinin aparılması lazımdır.