Azərbaycan, Bakı, 14 iyul /Trend, müxbir H.Vəliyev/
İlin sonunadək Azərbaycan Rabitə və İnformasiya Texnologiyaları Nazirliyinin Bakı Telefon Rabitəsi İstehsalat Birliyi 438 və 494 saylı АТS koordinatlarını istismardan tam çıxaracaq. Bu barədə Trend-ə çərşənbə günü İB-dən bildiriblər.
Operator göstərilən ATS-də yenidənqurma işləri aparıldıqdan sonra bütün şəbəkə infrastrukturunun 100 faizlik elektronlaşdırılmasına nail olmaq niyyətindədir.
Göstərilən stansiyalarda NGN (Next Generation Network) avadanlığı artıq quraşdırılıb və genişləndirmə işləri başa çatdıqdan sonra koordinat tipli stansiyalar keçmişdə qalacaq.
Operatorun planlarına köhnəlmiş DMS texnologiyası əsasında fəaliyyət göstərən 493 saylı ATS-in yenidən qurulması da daxildir.
Hazırda operatorun şəbəkəsində fəaliyyət göstərən ATS-lərin 60 faizindən çoxu gələcək nəsil şəbəkəsində quraşdırılıb.
NGN-in tətbiqi prioritet vəzifələrdən biridir. Onun köməyi ilə operator uzunmüddətli perspektivdə yeni xidmətlər seqmentinin artımının saxlanılmasına nail olmaq niyyətindədir. Çevik kommutasiya sistemi və verilənlərin ötürmənin vahid şəklə salınmış texnologiyası avadanlığın geniş siyahı xidmətləri göstərməsinə və yeniləri əlavə etməsinə imkan yaradır. Bu, əhaliyə ənənəvi xidmət növləri ilə yanaşı, IP-telefoniya, genişzolaqlı internet, IP-TV və digər xidmətlərin göstərilməsinə imkan verəcək.
Bakı Telefon Rabitəsi şəbəkəsində etibarlı xidmətin və genişzolaqlı internet xidmətlərinin göstərilməsi üçün Huawei, ZTE və Cisco şirkətlərinin şəbəkə qərarları, routerləri və telekommunikasiya avadanlıqları istifadə edilir. Bunlar ATS arasında DATA-şəbəkədə məlumatların ötürülmə sürətini bir Gbit-dən 10 Gbit-ədək təşkil etməyə imkan verir.
Operator şəbəkəsinin müxtəlif seqmentlərində alternativ SDH-Ethernet şəbəkəsi tətbiq edilib ki, bu da SDH şəbəkəsində IP-şəbəkələrdən yan keçməklə E1 rabitə kanallarını təşkil etməyə şərait yaradır.
