Azərbaycan, Bakı, 16 iyul /Trend, müxbir H.Vəliyev/
Azərbaycanın simsiz rabitə operatoru Bakcell şəbəkə infrastrukturunun tikintisi üzrə işləri başa çatdırıb. Bu barədə cümə günü şirkətin baş direktoru İnekke Botter deyib.
Botterin sözlərinə görə, şirkətin respublika üzrə baza stansiyalarının sayı iki min ədəddir və hazırda şirkətin şəbəkəsi ölkə ərazisini tam əhatə edir.
İstismara verilən yeni baza stansiyaları funksionaldır və ən müasir texniki tələblərə cavab verir.
Ümumilikdə son il ərzində Bakcell şirkətinin şəbəkəsi ikiqat artırılıb, aktiv abonentlərin sayı isə iki milyona çatıb.
