Azərbaycan, Bakı, 21 iyul /Trend, müxbir Q.Vəliyev/
Regional Rabitə Birliyi (RRB) ölkələri iştirakçılarının sinxronlu səsli yayım şəbəkəsinin tadiotezlik resurslarından istifadənin öyrənilməsi üzrə texniki ekspertlər işçi qrupu sinxron şəbəkələrin tezliklərinin (orta və uzun dalğaların diapazonu) bölüşdürülməsi məsələsini nəzərdən keçirir. Bu barədə RRB-nin məlumatında deyilir.
Söhbət 549 kqs, 873 kqs və 171 kqs tezliklərindən gedir. Onların yenidən bölüşdürülməsi məsələsi ilə RRB-nin işçi qrupu məşğuldur. Birliyin ikinci iclası iyulun 20-dən 22-dək Kiyevdə Ukrayna Dövlət Radiotezliklər Mərkəzinin bazasında keçirilir.
İclasda Azərbaycanı Azərbaycan Rabitə və İnformasiya Texnologiyaları Nazirliyinin Tezliklər üzrə dövlət idarəsinin baş mühəndisi İlham Əfəndiyev təmsil edir.
İclasın gündəliyində duran məsələlərdən biri MDB ölkələrinə keçmiş SSRİ-dən miras qalan sinxron şəbəkəyə daxil olan tezliklərin bölüşdürülməsi problemidir.
Problem ondan ibarətdir ki, əgər hansısa ölkədə tezliklərin birində yayım aparıldığı halda, digər ölkədə qüsurlar baş verir. Hazırda işçi qrup tərəfindən problemin həlli üzrə bir neçə variant hazırlanıb. Variantlardan biri ölkələr üzrə müxtəlif tezliklər qoyulduğu halda, preferensial bölüşdürmədən ibarətdir. Bununla əlaqədar hər bir ölkə bu tezliklərə hansı lisenziyaların verilməsini təhlil edib.
Hazırda Azərbaycan tərəfi, sərhədyanı ərazilərdə televiziya stansiyaları tərəfindən radiotezlik spektrindən istifadəni tənzimləyən məsələni Rusiya və Gürcüstanla razılaşdırıb. Razılaşma radiotezlik spektrindən istifadəni asanlaşdırır və sərhədyanı ərazilərdə radioelektron vasitələrində mümkün qüsurların yaranmasını xeyli azaldır. Tərəflər xüsusi diqqəti yerüstü rəqəmsal televiziya stansiyasının 470-862 mhz diapazonunda ikitərəfli əlaqələndirmənin prinsip və amillərini 174-230 mhz tezliklərdə əlaqələndirmə amillərinin işlənməsi yolu ilə razılaşdırılması məsələsinə yönəldiblər.
Əvvəllər Əfəndiyevin Trend-ə bildirdiyinə görə, Azərbaycanda rəqəmsal televiziya yayımı üçün üçüncü 174 - 230 mhz metrli diapazon cəb edilib. Bu diapazon 6-12-ci kanalları və 21-69-cu kanalları əhatə edən 470 - 862 mqs destimetr diapazonundakı dördüncü-beşinci kanallardır.
Radiotezliklərin sərhədyanı əlaqələndirilməsi problemi qonşu ölkələrin şəbəkələrində müxtəlif sistemlər üzrə avadanlıqlar tətbiq edildikdə və onların işlədiyi tezliklərdə tezliklər zolağı müxtəlif cür istifadə edildikdə xeyli artır.
Hazırda dünyanın 3 regionunda müxtəlif teleradiotezliklər fəaliyyət göstərir, radiorabitə və yayımın müxtəlif texnologiyaları tətbiq edilir. Azərbaycan Avropa regionuna aiddir və bu, Azərbaycana Avropa radiotexnologiyasını seçməyi diktə edir. Belə ki, başqa seçim sərhədyanı rayonlarda radiotezlik spektrinin effektsiz istifadəsinə gətirib çıxara bilər.