Azərbaycan, Bakı, 27 avqust /Trend, müxbir H.Vəliyev/
Bakıda ZTE-nin genişzolaqlı qərarları üzrə forumun keçirilməsi təxirə salınıb. Forum cari ilin ikinci yarısında keçirilməli idi. Bu barədə Trend-ə cümə günü ZTE şirkətinin Azərbaycandakı nümayəndəliyinin rəhbəri Cou Ki deyib.
Onun sözlərinə görə, bu, şirkətin forumların keçirilməsi proqramlarına etdiyi dəyişikiliklərlə əlaqədardır, buna görə də bu il Bakıda forumun keçirilməsi gözlənilmir. Forumun keçirilməsinin yeni tarixi hələ ki məlum deyil.
Kinin sözlərinə görə, forum beynəlxalq miqyasa malikdir və belə tədbirlər indiyədək Avstriya, Ukrayna, Latviya, Qazaxıstan və Özbəkistanda keçirilib.
Forumun başlıca məqsədi sifarişçiləri genişzolaqlı istifadənin inkişaf tendensiyaları, bu texnologiyanın üstünlükləri, ZTE-nin məhsulunun genişzolaqlı istifadə üzrə təqdim edilməsində inkişafı ilə tanış etməkdən ibarətdir.
Forum ZTE-nin məhsullarının başqa ölkələrdə uğurla tətbiqi ilə tanış olan rabitə operatorlarına yönəlib. ZTE mütəxəssisləri xarici telekommunikasiya şirkətlərinin uğurlu nümunələrində operatorlar tərəfindən ZTE-nin məhsul və texnologiyalarından istifadədə gəlirin əldə olunması imkanlarını nümayiş etdirirlər.
ZTE korporasiyası simsiz avadanlıq, şəbəkə avadanlığı, məlumatların ötürülməsi avadanlığı və terminal avadanlığının istehsalı ilə məşğul olur. Korporasiya müştərilərə 500-dən çox innovasiya qərarını dünyanın 150-dən çox ölkəsində təklif edir.
