Azərbaycan, Bakı, 13 sentyabr /Trend, müxbir H.Vəliyev/
Azərbaycanın Dövlət Raditezliklər İdarəsi İsveçrə aviaşirkəti ilə təyyarənin göyərtəsində mobil rabitə xidmətlərinin göstərilməsi üçün tezlik resurslarından istifadəyə dair saziş imzalayıb. Bu barədə bazar ertəsi Trend-ə Dövlət Raditezliklər İdarəsinin (DRİ) şöbə müdiri Nadir Sadıqov bildirib. Şirkətin adı isə çəkilməyib.
Sadıqovun sözlərinə görə, beynəlxalq praktikaya əsasən, Azərbaycanın hava məkanından uçuş zamanı təyyarələrin göyərtələrində mobil rabitə xidmətlərinin göstərilməsi üçün baza GSM stansiyasından və tezlik resursundan istifadə edərkən onların Dövlət Raditezliklər İdarəsində qeydiyyatı tələb olunur.
DRİ ötən ilin noyabrında təyyarələrin göyərtələrində mobil rabitə üçün 1800 MHz diapazonunun radiotezliyindən istifadəyə icazə verib.
İndi əksər aviaşirkətlər təyyarənin göyərtə avadanlığında problemlərin yarana biləcəyindən ehtiyat edərək, mobil telefonlardan istifadəni qadağan edirlər. Qadağa onunla izah edilir ki, simsiz şəbəkələr arasında tez yerdəyişmə yerdə onların işinin pozulmasına səbəb ola bilər. Lakin müasir texnologiyalar GSM avadanlığa təyyarənin göyərtə qurğularına maneə yaratmadan işləməyə imkan verir.
Göyərtə peyk sistemi uçuş zamanı telefonla yerdəki baza stansiyaları ilə birbaşa əlaqə yaratmağa imkan vermir. Bununla əlqədar mobil telefondan siqnalın ötürülməsi təyyarənin göyərtə sisteminin təhlükəsiz işləməsinə mane olmur.
"Aviaşirkətlərin hava gəmilərinin göyərtəsində təyyarə 300 metrə çatan kimi işə düşən baza stansiyaları quraşdırılır. Peykin köməyi ilə bu stansiyalar siqnalı yerə göndərir, oradan isə siqnal bilavasitə mobil rabitə operatorlarının şəbəkəsinə ötürülür. Eniş zamanı əlaqə avtomatik söndürülür", - Sadıqov qeyd edib.
Hazırda Dövlət Raditezliklər İdarəsi tezlik resursunun və göyərtə avadanlığının qeydiyyatı üçün ABŞ aviaşirkətlərinin müraciətini nəzərdən keçirir.
