...

Azərbaycanın internet provayderi regional səviyyədə simsiz Wi-Fi şəbəkəsini genişləndirir

Telekommunikasiya Materials 11 Noyabr 2010 19:05 (UTC +04:00)

Azərbaycan, Bakı, 11 noyabr /Trend, müxbir H.Vəliyev/

İlin sonunadək Bakıda "DataCell" şirkətinin simsiz Hot-Net internet şəbəkəsi genişləndiriləcək. Bu barədə cümə axşamı "DataCell" şirkətinin sahə meneceri Rüfət Hüseynov deyib.

Onun sözlərinə görə, indi şirkətin şəbəkəsi Bakının mərkəzi küçələrinin xeyli hissəsini əhatə edir və gələcək genişləndirmə üzrə işlər davam etdirilir.

"Şirkətin 2011-ci il üçün gələcək planlarına Hot-Net şəbəkəsinin əhatə zonasının regional səviyyədə, daha dəqiq desək, Azərbaycanın bir neçə şəhərlərində genişləndirilməsi daxildir. Yaxın vaxtlarda isə simsiz Wi-Fi-ın xidmətlərindən Abşeron yarımadası ərazisində də yararlanmaq mümkün olacaq. Bu istiqamətdə işlər aparılır", - Hüseynov qeyd edib.

Şirkətin planlarına ilin sonunadək abonentlərə yeni tarif planlarının təqdim edilməsi də daxildir. Bu, simsiz internetdən istifadə imkanını genişləndirəcək və onu son istifadəçilər üçün daha əlçatan edəcək.

Bu günə Hot-Net şəbəkəsinin buraxılış qabiliyyəti 1 Мbit/saata çatır. Bir baza stansiyasının əhatə radiusu (Hot-Spot) 400 metrə çatır. Wi-Fi istifadəçilər üçün ən mümkün protokoldur, belə ki, bazarda bu standartı dəstəkləyən çoxlu qurğular (noutbuk, telefon, smartfon) var.

Xəbər lenti

Xəbər lenti