Azərbaycan, Bakı, 25 dekabr /Trend, müxbir H.Vəliyev/
Azərbaycan Rabitə və İnformasiya Texnologiyaları Nazirliyi Niderlandla informasiya-kommunikasiya texnologiyaları sahəsində əməkdaşlıq haqqında memorandum üzərində işi gücləndirməyin tərəfdarıdır. Bu barədə Azərbaycan Rabitə və İnformasiya Texnologiyaları Nazirliyinin məlumatında deyilir.
Nazirliyin məlumatına görə, məsələ Azərbaycanın rabitə və informasiya texnologiyaları naziri Əli Abbasovun Niderlandın Azərbaycandakı səfiri Aryen Uyterlinde ilə görüşündə müzakirə edilib.
İki ölkə arasında əməkdaşlıq haqqında memorandumun layihəsini Azərbaycan tərəfi hazırlayıb.
Görüş zamanı səfir Azərbaycanla kosmik sənaye sahəsində və "Elekton hökumət"in komponentlərinin tətbiqində əməkdaşlığın mümkünlüyünə ümidini ifadə edib.
