Azərbaycan, Bakı, 28 dekabr /Trend, müxbir H.Vəliyev/
Azərbaycanın ilkin provayderi Delta Telecom şirkəti öz DATA-mərkəzində PHP dilində yaradılan kontent-resursların aynasını yerləşdirib. Bu barədə çərşənbə günü şirkətin texniki direktoru Rahid Ələkbərli deyib.
Ələkbərlinin sözlərinə görə, bu, resurslara təkcə Azərbaycan istifadəçilərinə deyil, həm də bilavasitə Delta Telecom-un DATA-mərkəzi vasitəsilə kontent-resurslardan daha çox istifadədə maraqlı olan digər regionların istifadəçilərinə yaxın olmağa imkan verir.
Hazırda Delta Telecom-un DATA-mərkəzində AzNET seqmentli internet resursların təxminən 40 faizi cəmləşib. DATA-mərkəz milli İnternet resurslarının saxlanılması üçün nəzərdə tutulan xüsusiləşdirilmiş texniki meydançadır. Mərkəzin mühəndis sistemləri orada yerləşən resursların sutka ərzində işini təmin edərək, onların funksiyalarının davamlı yerinə yetirilməsinə zəmanət verir. DATA-mərkəzin əsas məqsədi Azərbaycana xaricdən milli kontentin gətirilməsindən ibarətdir. Bunlar Azərbaycan dilində olan Web-səhifələr, video və fotoşəkilli kontent tutumlu əyləncə xarakterli portallardır.
Milli İnternet-resursların DATA-mərkəzə köçürülməsi üzrə iş davam etdirilir ki, bu da onun tədricən yüklənməsinə gətirib çıxarır. Bununla əlaqədar yaxın vaxtlarda mərkəzin tutumunun artırılması planlaşdırılır.
DATA-mərkəzdə internet-resurslar yerləşdirildikcə, Azərbaycana daxil olan beynəlxalq trafik xeyli azalacaq. Bununla yanaşı, çıxan trafikin həcmi arta bilər.
Azərbaycan ərazisində kontent-resursların yerləşdirilməsi ilkin provayderin xərclərini 90 faizədək azaltmağa imkan verəcək, belə ki, bu halda axın üçün tranzit ölkələrə ödəniş istisna edilir.
DATA-mərkəzdə üstünlük həm beynəlxalq domen, həm də .az domeninin zonasında qeydiyyata alınan milli İnternet-resurslara verilir. DATA-mərkəzin daha vacib funksiyalarından biri domen qeydiyyatına görə dəyərin aşağı salınması, bəzi hallarda isə ödənişin ləğv edilməsindən ibarətdir. Bu da azərbaycandilli kontenet-resursların inkişafında böyük rol oynayır.
