...

Azərbaycanın sosial şəbəkə istifadəçiləri paytaxtın ictimai obyektlərinə bilet ala biləcəklər

Telekommunikasiya Materials 10 Yanvar 2011 14:35 (UTC +04:00)

Azərbaycan, Bakı, 10 yanvar /Trend,müxbir H. Vəliyev/

Azərbaycanın sosial şəbəkə istifadəçiləri Bakı şəhərinin ictimai obyektlərinə bilet ala biləcəklər. Bu barədə bazar ertəsi Trend-ə "PHAT CAT Entertainment" şirkətinin direktoru Qüdrət Əliyev deyib.

Əliyevin sözlərinə görə, hazırda ilk dəfə olaraq "Facebook", "V kontakte", "Odnoklassniki" və digər məşhur sosial şəbəkələrlə birləşəcək iticket.az elektron ticarət portalının yaradılması üzrə işlər aparılır.

"Bu, həmin sosial şəbəkələrdə qeydiyyatdan keçən istifadəçilərə bilvasitə bu şəbəkələrin İnternet-resursları vasitəsilə biletlər almağa imkan verəcək. Ödəniş həm nəğd, həm də kredit kartlar və Web Money və Pay Pal sistemindən istifadə yolu ilə həyata keçiriləcək", - o, deyib.

Hazırda danışıqlar aparılır və Bakının "Azərbaycan" kinoteatrı, Heydər Əliyev adına saray, Gənc Tamaşaçılar Teatrı, Rus Dram Teatrı və s. kimi mədəniyyət obyektləri ilə razılıq əldə olunub.

iticket.az portalının istifadəçiləri əvvəlcədən kinoteatrda sıra və yerləri seçə və filmlər, tamaşalar, onların baxılma reytinqi və s. haqqında məlumat ala biləcəklər.

Layihənin yanvarın sonunda həyata keçirilməsi planlaşdırılır.

Xəbər lenti

Xəbər lenti