Azərbaycan, Bakı, 13 yanvar /Trend, müxbir H.Vəliyev/
Аzərbaycan Texniki Universiteti (ATU) koordinasiyası /aztu.az/ portalı vasitəsilə həyata keçiriləcək universitetin hər bir şöbəsi üzrə məsələlərin qərarlarını avtomatlaşdırmağa imkan verəcək yarımsistemlərin hazırlanması ilə bağlı işlər aparır. Bu barədə ATU rektoru Xavər Məmmədovun Yeni Azərbaycan Partiyasının rəsmi saytında dərc edilən müsahibəsinin mətnində deyilir.
Məmmədovun sözlərinə görə, işlər universitet portalı vasitəsilə distansiyalı təhsil almağa imkan verən "Elektron universitet" konsepsiyası çərçivəsində aparılır. Orada informasiya resursları, dərs vəsaitləri, məruzələr və ali məktəbin virtual laboratoriyasından istifadə etmək mümkündür.
"Elektron universitet" anlayışı distansiyalı təhsilin yeni inkişaf mərhələsini əhatə edir, maarifləndirmə xidmətləri üzrə elektron biznesin tətbiqi üçün şərait yaradır, eləcə də tələbələrin təhsillə bağlı problemlərini iqtisadi baxımdan əlverişli həll etməyə imkan verir", - Məmmədov qeyd edib.
Rektorun sözlərinə görə, bu gün Azərbaycanın orta və ali məktəbləri informasiya texnologiyaları ilə yüksək səviyyədə təmin edilib. Bununla yanaşı, kompüterləşmə prosesində elektron dərs vəsaitlərinin yaradılmasına və ekspertizasına, eləcə də tədrisin ümumi prinsiplərinin təşkilinə və elekton vəsaitlərdən səmərəli istifadəyə xüsusi əhəmiyyət vermək lazımdır.
Məmmədovun fikrincə, elektron dərs vəsaitləri konkret fəaliyyət və tədris prosesi üzrə informasiya modelləri nəzərə alınmaqla hazırlanmalıdır.
Son illər ərzində universitetdə aralarında yerli şəkildə və internet şəbəkəsinə qoşulan ondan çox kompüter sinfi, Microsoft-un İT akademiyası, videokonfrans zalı açılıb. Bundan başqa, elektron dərs vəsaitləri istifadəyə verilib.