Azərbaycan, Bakı, 14 fevral /Trend, müxbir H.Vəliyev/
"Delta Telecom" şirkəti (Azərbaycanın ilkin provayderi) Park.az sosial şəbəkəsini istifadəyə verib. Bu barədə Trend-ə bazar ertəsi "Delta Telecom" şirkətinin texniki direktoru Rahid Ələkbərli məlumat verib.
Ələkbərlinin sözlərinə görə, bu sosial şəbəkənin əsas üstünlüyü onun bilavasitə Azərbaycanda yerləşdirilməsindən ibarətdir.
"Park.az sosial şəbəkəsi insanların bir-biri ilə ünsiyyət qurmasına və gündəlik fəaliyyətindəki xəbərləri bölüşməyə imkan verir. Bu sosial şəbəkənin personal bazasının bizim DATA-mərkəzdə yerləşdirilməsi ilk növbədə onun işinin sürətinin əsaslı şəkildə artırılmasına imkan verir", - Ələkbərli bildirib.
DATA-mərkəz milli internet-resursların saxlanması üçün nəzərdə tutulan ixtisaslaşdırılmış texniki meydandır.
"Delta Telecom" şirkətinin texniki direktorunun sözlərinə görə, bu gün DATA-mərkəzdə AzNET seqmentinin 50 faizə yaxın internet resursları cəmləşdirilib.
Mərkəzin mühəndis sistemi oradakı resursların bütün gün ərzində işini təmin edir, onların funksiyalarını fasiləsiz yerinə yetirmələrinə zəmanət verir. DATA-mərkəzin əsas məqsədi xaricdən Azərbaycana milli kontentin gətirilməsidir. Bunlar Azərbaycan dilindəveb-saytlar və əyləncə xarakterli kompozisiya, video və fotokontentdən ibarət portallardır.
Milli internet-resursların DATA-mərkəzdə tərcüməsi üzrə işlər davam edir ki, bu da onun tədricən yüklənməsinə gətirib çıxarır. Bununla əlaqədar "Delta Telecom" mərkəzin tutumunu artırmağı planlaşdırır.
İnternet-resursların DATA-mərkəzdə yerləşdirilməsi ilə Azərbaycana gələn beynəlxalq trafikin həcmi xeyli azalacaq. Bununla yanaşı, gedən tariflərin həcmi də arta bilər.
Milli kontent-resursların Azərbaycan ərazisində yerləşdirilməsi ilkin provayderin xərclərinin 90 faizədək azalmasına imkan verir. Çünki belə olan halda tranzit ölkələrə axının ödəniş zəruriliyi mənasını itirir.
DATA-mərkəzdə üstünlük həm beynəlxalq domen zonalarında, həm də .az domenində qeydiyyata alınan milli internet-resurslara verilir. DATA-mərkəzin vacib funksiyalarından biri də dəyərin azalmasıdır. Bəzi hallarda isə domenlərin qeydiyyatına görə haqq ödənişi ləğv edilir ki, bu da Azərbaycandilli kontent-resursların inkişafında böyük rol oynayır.