Azərbaycan, Bakı, 4 aprel /Trend/
Azərbaycanın milli peyk rabitəsi operatoru "Azərkosmos" MMC mütəxəssislərin işə qəbulunu elan edir. Trend-in məlumatına görə, bu barədə bazar ertəsi MMC-nin məlumatında deyilir.
Yığım aşağıdakı ixtisaslar üzrə həyata keçirilir:
- peyk texnologiyası üzrə mühəndis (ref. number: AZK-001/2011);
- peykin orbitdə hərəkətinin təhlili üzrə mühəndis (ref. number: AZK-002/2011);
- peykin idarə edilməsi və nəzarəti üzrə mühəndis (ref. number: AZK-003/2011);
- yerüstü idarəetmə kompleksi avadanlığı üzrə mühəndis (ref. number: AZK-004/2011);
- kompüter texnologiyaları üzrə mütəxəssis (ref. number: AZK-005/2011), (Linux/Unix əməliyyat sistemlərinin irəliləmiş istifadəçisi səviyyəsində bilik).
Namizədlərə aşağıdakı tələblər irəli sürülüb:
- informasiya texnologiyaları, kommunikasiya və ya aviasiya texnologiyaları sahəsində ali təhsil,
- tətbiqi riyaziyyat, tətbiqi fizika, kosmos texnikası və kosmik texnologiyalar sahəsində, eləcə də səma mexanikası, ballistika və hidroaerodinamika ixtisasları üzrə ali təhsil,
- İKT sahəsində azı 3-5 il iş təcrübəsi (ixtisaslar: radiotezliklər, telekommunikasiya və peyk sistemləri və transmissiyaların avadanlıqlaşdırılması - modemlər, ötürücülər, up/down konvertasiyaları, marşrutizatorlar, anten və baza sistemləri, telekommunikasiyada istifadə olunan standart və protokollar),
- ingilis və rus dillərini əla bilmək,
- texniki sənədlər və sxemlərlə işləmək bacarığı,
- kompüter və ofis proqramlarını bilmək (Microsoft Office: Word, Excel etc.),
- komandada işləmək bacarığı.
"Azərkosmos" MMC-nin əməkdaşlarına aşağıdakı üstünlüklər veriləcək:
- müvafiq əməkhaqqı,
- Xaricdə və Azərbaycanda mütəmadi peşə treninqləri vasitəsilə ixtisasın artırılması imkanı,
- Fərdi karyera artımı və təşkilat daxilində irəliləmə üçün əla şərait.
Üstünlük 25-35 yaş arasında olan namizədlərə verilir (hərbi biletin olması şərtilə).
Maraqlanan şəxslər CV-ni (yaxşı olar fotoşəkillə) elektron ünvanına [email protected] ref. number qeydi ilə hər vakansiya üzrə aprelin 15-dən gec olmamaqla göndərə bilərlər.