Azərbaycan, Bakı, 18 aprel /Trend, müxbir H.Vəliyev/
Azəraycanın Rabitə və İnformasiya Texnologiyaları Nazirliyi Regional Rabitə Birliyinin (RRB) Rabitə Operatorları Şurasının fəaliyyətinin təkmilləşdirilməsi məsələlərinin müzakirəsində iştirak edib. Bu barədə bazar ertəsi nazirlikdən məlumat verilib.
Məsələyə aprelin 6-7-də Türkmənistanda keçirilən RRB Rabitə Operatorları Şurasının və RRB Elektrorabitə Komissiyasının birgə 27/23-cü iclasları çərçivəsində baxılıb.
İclas iştirakçıları habelə RRB Rabitə Operatorları Şurası reqlamentinin yeni redaksiyasını, 2010-cu il səlahiyyətli konfransının işinin yekunlarını və digər məsələləri də müzakirə ediblər.
RRB Rabitə Operatorları Şurası yanında informasiya təhlükəsizliyi və yeni elektrorabitə xidmətləri üzrə işçi qrupun, eləcə də RRB Elektrorabitə Komissiyasının şəbəkələrinin idarə olunması üzrə işçi qrupun fəaliyyət məsələlərinə də diqqət ayrılıb.
MDB ölkələrində rouminq tariflərinin tənzimlənməsi imkanları haqqında, administrasiyaların 2012-ci ildə Ümumdünya Radiorabitə Konfransı və assambleyasına hazırlıq haqqında informasiya da dinlənilib.
