Azərbaycan, Bakı, 6 may /Trend, müxbir H.Vəliyev/
"Best Comp Group" şirkəti "Oracle Gold Partner" statusunu əldə edib. Bu barədə şirkətdən verilən məlumatda deyilir.
"Oracle Gold Partner" statusu "Best Comp Group" şirkətinə Oracle-ın proqram məhsulları və texologiyalarından, marketinq və satışın dəstəklənməsi xidmətlərindən istifadə etməyə imkan verir.
Oracle-ın qızıl tərəfdaşı statusunun əldə edilməsi şirkətin korporativ bazar üçün həllərin inkişafına doğru irəliləyişinin davamıdır.
"Best Comp Group" şirkəti, həmçinin Rusiyanın informasiya təhlükəsizliyi vasitələrini hazırlayan "Dr.Web" şirkətinin də biznes-tərəfdaşı statusunu alıb.
Bu statusun mövcudluğu şirkətə kompyuter parklarının ziyanverici proqram təminatlarından müdafiəsi sahəsində sifarişçilərin tələbatlarının ödənilməsi üçün bu istehsalçının virus əleyhinə həllərinin rəsmi tədarükünü həyata keçirməyə imkan verir.
