...

Naxçıvan MR İqtisadi İnkişaf Nazirliyində elektron sənəd dövriyyəsinin tətbiqi üzrə işlər başa çatıb

Telekommunikasiya Materials 5 İyul 2011 14:17 (UTC +04:00)

Trend-i buradan izləyin

Azərbaycan, Bakı, 5 iyul /Trend, müxbir H.Vəliyev/

Azərbaycanın İT şirkəti "Ultra" Naxçıvan Muxtar Respublikasının İqtisadi İnkişaf Nazirliyində (NMR) elektron sənəd dövriyyəsi sisteminin tətbiqi üzrə işləri başa çatdırıb. Bu barədə Trend-ə "Ultra" şirkətinin rəhbəri Zaur Məmmədzadə deyib.

Onun sözlərinə görə, hazırda Naxçıvan MR-in İqtisadi İnkişaf Nazirliyinin bölmələrində aparat-proqram həllərin instalyasiyası üzrə işlər başa çatıb.

"Elektron sənəd dövriyyəsi sisteminin tətbiqi nazirliyin bütün struktur bölmələrinə respublikanın bütün ərazilərində yerləşən məlumatların emalı mərkəzinə qoşulmağa imkan verir. Mərkəz İqtisadi İnkişaf Nazirliyinin Bakıdakı əsas binasında yerləşir. Bu onlara real vaxt rejimində bir-biri ilə əlaqə qurmağa imkan verir. İlin sonunadək mobil texnologiyaların tətbiqi üzrə işlər başa çatacaq. Bu, elektron xidmətlərdən hər yerdə istifadə etməyə imkan verəcək", - Məmmədzadə bildirib.

Layihədə iştirak təşəbbüsünü "Azerfon" şirkəti bildirib. Onun 3G şəbəkəsi elektron xidmətlərdən mobil istifadənin göstərilməsi üçün istifadə ediləcək.

"Bununla belə, elektron sənəd dövriyyəsi sistemində tətbiq edilən platforma bizə istənilən GSM operatorunu qoşmağa imkan verir ki, bu da eyni zamanda bir neçə operator ola bilər", - Məmmədzadə qeyd edib.

"Ultra" şirkəti tərəfindən İqtisadi İnkişaf Nazirliyində elektron sənəd dövriyyəsi sisteminin tətbiqi üzrə işlər həyata keçirilib. Bu, bütün kağız dövriyyəsinin, kadr və maliyyə uçotunun elektron şəklə salınmasına imkan verib.

Hazırda nazirlikdə daxili sənəd dövriyyəsini avtomatlaşdırmağa imkan verən bir sıra modullar tətbiq edilib. Nazirlikdə "Megapolis DocNet" sistemindən istifadə olunur ki, bu sistem məqsədli ünvanlar üzrə sənədlərin daha operativ hazırlanması və yayılmasına imkan verir. Bu da insan resurslarından və kağız daşıyıcılardan istifadənin səviyyəsini aşağı salır. Nazirlikdə daxili korporativ səviyyədə elektron rəqəmli imzadan da istifadə olunur.

Nazirliyin elektron sənəd dövriyyəsi sistemində "Vətəndaşların müraciətlərinə baxılma" və "Kadrların idarə olunması" modulları tətbiq edilib. "Vətəndaşların müraciətlərinə baxılma" modulu vətəndaşlara nazirliyə ərizə vermək və ona baxılma mərhələlərini internet şəbəkəsi vasitəsilə izləməyə, "Kadrların idarə olunması" modulu isə kadrların peşəkarlıq səviyyəsinin artırılmasına imkan verir.

Xəbər lenti

Xəbər lenti