Azərbaycan, Bakı, 4 avqust /Trend, müxbir H.Vəliyev/
Azərbaycanın ilkin provayderi "Delta Telecom" DATA mərkəzində "Google" axtarış sisteminin serverlərinin instalyasiyasına başlayıb. Bu barədə cümə axşamı Trend-ə şirkətin texniki direktoru Rahid Ələkbərli deyib.
Onun sözlərinə görə, bu istiqamətdə işlər artıq avqustun ikinci rübündə başa çatmalıdır.
"Google" serverlərinin Azərbaycan ərazisində yerləşdirilməsi ilkin provayderin xərclərini azaltmağa imkan verəcək. Belə ki, bu halda tranzit ölkələrə trafik axınına görə ödənişə ehtiyac olmur. Azərbaycanda axtarış sisteminin serverlərinin olması Azərbaycan istifadəçiləri üçün axtarışın keyfiyyətini artırmağa imkan verəcək, belə ki, nəticələr böyük sürətlə emal ediləcək.
"DeltaTelecom"da lazımi infrastrukturun olması "Google" şirkətinin AzNET seqmentini seçməkdə əsas amil olub.
"DeltaTelecom" DATA mərkəzi internet resursların saxlanılması üçün nəzərdə tutulan xüsusiləşdirilmiş texniki meydançadır. Mərkəzin mühəndis sistemləri orada yerləşən resursların işini sutka ərzində təmin edərək onların öz funksiyasını yerinə yetirməyə zəmanət verir.
