Azərbaycan, Bakı, 14 sentyabr /Trend, müxbir H.Vəliyev/
Yanvar-avqust aylarında Azərbaycanda təşkilatlara və əhaliyə göstərilmiş informasiya və rabitə xidmətlərinin həcmi 765,3 milyon manat təşkil edib ki, bu da ötən ilin müvafiq dövründəki göstəricidən 10,5 faiz çoxdur. Trend-in məlumatına görə, bu barədə Dövlət Statistika Komitəsinin məlumatında deyilir.
"Ümumi həcmdən 73,2 faiz əhaliyə göstərilən xidmətlərin payına düşür. Bu zaman əldə olunan gəlirlərin 62,4 faizi mobil rabitə xidmətlərinin payına düşür", - məlumatda bildirilir.
Mobil rabitə xidmətlərinin gəlirləri ötən ilin müvafiq dövrü ilə müqayisədə 2,1 faiz artaraq 477,7 milyon manat olub.
Sentyabrın 14-nə olan rəsmi məzənnə 0,7866 AZN/USD təşkil edir.
