Azərbaycan, Bakı, 19 sentyabr /Trend, müxbir H.Vəliyev/
Azərbaycanın mobil rabitə operatorları olan Azercell və Bakcell şirkətlərinə şəbəkələrinin 3G xidmətlərinin göstərilməsinə hazırlanması üzrə işləri başa çatdırmaq tapşırılıb. Trend-in məlumatına görə, bu barədə bazar ertəsi rabitə və informasiya texnologiyaları naziri Əli Abbasov bildirib.
Abbasov deyib ki, yaxın vaxtlarda bu operatorlar 3G - üçüncü nəsil şəbəkəsinin yerləşdirilməsi üzrə lisenziya alacaqlar.
Hazırda Azərbaycanda yalnız bir operator - Azerfon 3G xidmətləri göstərir.