Azərbaycan, Bakı, 29 noyabr /Trend, müxbir H.Vəliyev/
Azərbaycanın Rabitə və İnformasiya Texnologiyaları Nazirliyinin "Aztelekom" İstehsalat Birliyi Ağdam rayonunda telekommunikasiya şəbəkəsinin yenidən qurulması üzrə işlər görür. Bu barədə çərşənbə axşamı Trend-ə nazirlikdən məlumat verilib.
Məlumata görə, yaxın vaxtlarda operator stasionar telefon şəbəkəsinin nömrə tutumunu 768 ədəd, simsiz CDMA standartı şəbəkəsini 300 ədəd, eləcə də genişzolaqlı xidmətlərin göstərilməsi üçün 48 portluq DSLAM avadanlıqlarını istismara verib.
Operatorun kənd yerlərində ümumi nömrə tutumu 1472 ədəd artırılıb. Bu gün operatorun Ağdam rayonu üzrə telefon stansiyalarının montaj tutumu 2556 ədədə çatıb.
Bu gün "Aztelekom" İB tərəfindən kənd yerlərində ümumi nömrə tutumu 416 ədəd olan yeni elektron ATS-in quraşdıırlması başa çatdırılıb və Qaradağlı-Rzalar-Mahrızlı-Çəmənli kəndləri istiqamətində uzunluğu yeddi kilometr olan optik-lif xətti çəkilib.
Çətin keçilən, telekommunikasiya şəbəkəsinin çəkilməsinin mümkün olmadığı ərazilərdə telefon rabitəsi peyk texnologiyası əsasında yaradılır.
