Azərbaycan, Bakı, 22 fevral /Trend, müxbir H.Vəliyev /
Azərbaycan Rabitə və İnformasiya Texnologioyaları Nazirliyinin "Aztelekom" İstehsalat Birliyi "AztelekomNet" dövlət internet servis provayderi üçün telekommunikasiya avadanlıqlarının satınalınması üzrə tenderin keçirilməsindən imtina edib. Trend-in məlumatına görə, çərşənbə günü İB-nin Tender Komissiyasının məlumatında deyilir.
Tender prosedurunun ləğv edilməsinə dair qərar "Dövlət satınalmaları haqqında" qanunun 11-ci bəndinə və Tender Komissiyasının 17 fevral protokoluna uyğun olaraq qəbul edilib.
"Aztelekom"un "AztelekomNet" dövlət internet servis provayderinin texniki bazasını genişləndirilməsi ilə bağlı tender ötən il oktyabrın sonlarında elan edilib.
İB-dən Trend-ə deyildiyi kimi, tender iştirakçıların texniki və maliyyə təkliflərinin tender prosedurunun tələblərinə uyğun gəlməməsi səbəbindən təxirə salınıb. Yaxın vaxtlarda təkrar tenderin keçirləcəyi gözlənilmir.