...

Azərbaycan və Belarus elm və informasiya texnologiyaları sahəsində əməkdaşlıq edəcək

Telekommunikasiya Materials 23 Avqust 2012 18:12 (UTC +04:00)

Azərbaycan, Bakı, 23 avqust / Trend, müxbir H.Vəliyev /

Elm və informasiya texnologiyaları sahəsində Azərbaycan və Belarus arasında əməkdaşlıq barədə protokol müzakirə olunub. Protokolun iqtisadi əməkdaşlıq üzrə Azərbaycan-Belarus hökumətlərarası komissiyasının yeddinci iclasının yekunları üzrə imzalanacağı gözlənilir. Bu barədə cümə axşamı Trend-ə hökumətdəki mənbə məlumat verib.

Hökumətlərarası komissiyanın iclası avqustun 27-də Minskdə keçiriləcək.

Komissiyanın həmsədrləri Azərbaycanın Baş nazirinin birinci müavini Yaqub Eyyubov və Belarusun Baş nazirinin müavini Vladimir Semaşkodur.

Hökumətlərarası komissiyanın iclasının işində Azərbaycanın rabitə və informasiya texnologiyaları naziri Əli Abbasovun da iştirak edəcəyi gözlənilir.

Elm və informasiya texnologiyaları sahəsində əməkdaşlıq hər iki ölkənin Milli Elmlər akademiyaları səviyyəsində nəzərdən keçirilir.
Protokolda habelə İKT üzrə biznes forumun təşkilinin perspektivləri qeyd olunub, növbəti forumun 2013-cü ildə keçirilməsi planlaşdırılıb.

Bundan əvvəl Azərbaycanla Belarus arasında informasiya texnologiyaları sahəsində əməkdaşlıq haqqında hökumətlərarası saziş 2010-cu il iyunun əvvəlində Azərbaycanın rabitə və informasiya texnologiyaları naziri Əli Abbasovla Belarusun rabitə və informasiyalaşdırma naziri Nikolay Panteleyev arasında imzalanıb.

Xəbər lenti

Xəbər lenti