Azərbaycan, Bakı, 18 dekabr /Trend, müxbir H.Vəliyev/
"Smart Systems Technology" şirkəti IP-telefoniya xidmətləri göstərməyə başlayıb. Bu barədə çərşənbə axşamı Trend-ə şirkətdən bildirilib.
Şirkət tərəfindən nominal qiyməti 2-100 manat olan skretç-kartlar təqdim olunub.
Ümumi istifadədə olan telefon şəbəkəsinin abonentləri IP-telefoniyanın kartlarından istifadə etməklə məqbul tariflərlə beynəlxalq zənglər edə bilərlər. IP-telefoniya xidmətləri üzərindən danışıqların qiyməti beynəlxalq zənglərə çəkilən xərcləri bütün istiqamətlər üzrə təqribən 50 faiz azaltmağa imkan verir.
Şirkətə IP-telefoniya xidmətlərinin göstərilməsi üçün lisenziya oktyabrda verilmişdi.
