Azərbaycan, Bakı, 19 fevral /Trend, müxbir H.Vəliyev/
Transmilli Avrasiya Super İnformasiya Magistralının (TASİM) tikintisi üzrə işlər sürətləndirilib. Trend-in məlumatına görə, bu barədə çərşənbə axşamı jurnalistlərə rabitə və informasiya texnologiyaları naziri Əli Abbasov deyib.
Onun sözlərinə görə, bu layihənin həyata keçirilməsində əsas tərkib hissələrindən biri kabel magistralının transxəzər seqmentinin çəkilməsidir.
Nazir deyib ki, yaxın vaxtıarda bu məsələ üzrə razılığın əldə edilməsi gözlənilir. Hazırda Azərbaycan Qazaxıstan və Türkmənistan ilə sualtı seqmentin çəkilməsi imkanlarını müzakirə edir.