Azərbaycan, Bakı, 16 mart / Trend, müxbir H.Vəliyev/
Azərbaycan bazarında mobil telefonların illik satış dövrüyyəsi minimum 500 min ədəd təşkil edir. Bu barədə Trend-ə şənbə günü Trend-ə açıqlamasında "Mobitel" şirkətinin kommersiya rəhbəri Cümşüd Əliyev bildirib
Əliyevin sözlərinə görə, Azərbaycan mobil telefonlar bazarında əsas istiqamət - smartfonların satışının artmasıdır ki, hazırda onlar satş sahəsinin 45 faizini təşkil edir.
"İnternetə hər zaman daxil olma, sosial şəbəkələrə və kontendə asan girişi təmin edən ən əsası münasib qiymətlər smartfonları əhalinin bütün təbəqələri arasında populyar edir. Yaxın vaxtlarda onlar bazarın əhəmiyyətli hissəsini təşkil edəcək. Adi telefonlar isı, yaşlı nəslin nümayəndələri arasında populyar olacaq",- deyə Əliyev qeyd edib.
Əməliyyat sistemlərinə (ƏS) gəldikdə isə, Əliyev hesab edir ki, Azərbaycanda smartfonların 30 faizi Android ƏS-də işləyir. Bu ƏS birinciliyə Samsung smartfonlarının hesabına olub
"Windows Phone ƏS-nin bazar payı olduqca aşağı- təxminən 3 faiz təşkil edir. Buna baxmayaraq, biz ona böyük marağın olduğunu hiss edirik və gözləyirik ki, yaxın vaxtlarda bu ƏS bazarın 15 fazini ələ keçirəcək. Yalnız son bir il ərzində biz Windows Phone ƏS-də işləyən 20 000 smartfonun satışına nail olmuşuq",- deyə Əliyev bildirib.
"Mobitel" şirkətinin kommersiya rəhbərinin sözlərinə görə, bazarda olan mobil telefonların 10 faizi İOS, 40 faizi isə Symbian ƏS-də işləyir. Lakin sonuncunun bazar payı davamlı şəkildə aşağı enir. Bu da həmin ƏS-nin mobil qurğularının istehsal olunmaması ilə bağlıdır.