...

Azərbaycan Avstriya ilə birgə fiber-optik rabitə xətlərinin istehsalı müəssisəsinin yaradılmasını nəzərdən keçirir

Telekommunikasiya Materials 3 İyul 2013 18:33 (UTC +04:00)

Trend-i buradan izləyin

Azərbaycan, Bakı, 3 iyul /Trend, müxbir H.Vəliyev/

Azərbaycan Avstriya ilə fiber-optik rabitə xətlərinin istehsalı üzrə birgə müəssisənin yaradılması imkanını nəzərdən keçirir. Trend-in məlumatına görə, bu barədə çərşənbə günü jurnalistlərə rabitə və informasiya texnologiyaları nazirinin müavini Elmir Vəlizadə bildirib.

Onun sözlərinə görə, hazırda bu məsələ öyrənilmə mərhələsindədir. Azərbaycanın yaxın bir neçə il üçün böyük planları var. Nazir müavini qeyd edib ki, söhbət genişzolaqlı internet infrastrukturunun inkişafından gedir.

Vəlizadənin sözlərinə görə, genişzolaqlı internetin inkişafı layihəsi çərçivəsində fiber-optik infrastrukturunun daha da genişləndirilməsi nəzərdə tutulur:

"Hazırda Azərbaycanın kəndlərinin təqribən 40 faizi artıq fiber-optik infrastrukturu ilə əhatə olunub. Tam əhatə olunma bu layihə çərçivəsində nəzərdə tutulub. Bu ondan xəbər verir ki, optik rabitə xətlərinə tələbat var və bunu respublika ərazisində istehsalatın işə salınması vasitəsilə təmin etmək mümkündür".

Məqalədə:
Xəbər lenti

Xəbər lenti