Azərbaycan, Bakı, 3 sentyabr /Trend, müxbir H.Vəliyev/
Azərbaycan poçt rabitəsi operatoru - "Azərpoct" MMC-nin daha 21 filialı "Zolotaya Korona" ("Золотая Корона") beynəlxalq pul köçürmələri sisteminə qoşulub. Bu barədə MMC-dən Trend-ə daxil olan məlumatda bildirilir.
Məlumatda bildirilir ki, artıq Göyçay, Zərdab, Kürdəmir, Ağdaş, Qəbələ, İsmayıllı, Ucar, Yevlax, Ağdam, Tərtər, Bərdə, Mingəçevir, Ağcabədi, Şəki, Zaqatala, Qax,Oğuz, Balakən, Şamaxı, Qobustan, Ağsu poçt filiallarının maliyyə xidmətləri göstərən bütün şöbələrində "Zolotaya Korona" sistemi üzərindən pul köçürmələri almaq və göndərmək mümkün olacaq.
Yaxın müddətdə "Azərpoçt" MMC-nin bütün şöbələrində "Zolotaya Korona" sistemi üzərindən pul köçürmələri almaq və göndərmək mümkün olacaq.