...

Azərbaycanda kompüter təhlükəsizliyi ilə bağlı soğruların sayı azalıb

Telekommunikasiya Materials 19 Avqust 2014 19:26

Trend-i buradan izləyin

Azərbaycan, Bakı, 19 avqust /Trend, müxbir Hüseyn Vəliyev/

2014-cü ilin iyul ayında Azərbaycanda kompüter təhlükəsizliyi üzrə sorğuların sayı iyun ayı ilə müqayisədə 4,3 faiz azalaraq 201 ədəd təşkil edib.

Trend-in məlumatına görə, bu barədə Azərbaycan Xüsusi Dövlət Mühafizə Xidmətinin Xüsusi Rabitə və İnformasiya Təhlükəsizliyi Dövlət Agentliyi yanında fəaliyyət göstərən Kompüter insidentlərinə reaksiya komandasının (CERT) hesabatında deyilir.

Mərkəzin məlumatına görə, iyulda sorğuların ümumi sayının təqribən 8,5 faizinə baxılaraq təmin edilib.

CERT-in statistikasına əsasən, 2014-cü ilin yanvar-iyul aylarında ən çox insident mayda (275 ədəd) qeydə alınıb ki, bunun da 267-nin qarşısı alınıb.

Cari ilin iyulunda Kompüter insidentlərinə reaksiya komandasının informasiya təhlükəsizliyi üzrə aparılmış audit əsasında müvafiq strukturlara 11 hesabat hazırlanaraq göndərilib.

Bu ilin iyul ayında internetin Azərbaycan seqmentində 3 yeni subdomen qeydiyyata alınıb. Subdomenlər adətən təşkilatlar tərəfindən təşkilatla bağlı bölmələr və servislər üçün unikal sayt adlarının yaradılması məqsədilə istifadə olunur.

Məqalədə:
Xəbər lenti

Xəbər lenti