Azərbaycan, Bakı, 8 may /Trend/
Rabitə və Yüksək Texnologiyalar Nazirliyinin (RYTN) mobil cihazlarla bağlı elektron xidmətlərinə maraq daha çox olub.
Nazirlikdən Trend-ə verilən məlumata görə, aprel ayında "Elektron hökumət" portalı üzərindən RYTN-in elektron xidmətlərinə edilən 179 196 müraciətin 75 999-u mobil cihazlarla bağlı 2 xidmətin payına düşüb.
Müraciətlərin 41 104-ü mobil cihazların qeydiyyatdan keçirilməsi ilə bağlı olub.
"Mobil cihazların IMEI kodunun yoxlanılması" xidmətindən isə 34 895 dəfə istifadə olunub.