...

Azercell-dən açıqlama: "Tam gücümüzlə işləyirik"

Telekommunikasiya Materials 7 İyun 2016 18:00 (UTC +04:00)
“Azercell Telekom” MMC öz fəaliyyətini olduğu şəkildə tam gücü ilə davam etdirir.
Azercell-dən açıqlama: "Tam gücümüzlə işləyirik"

Trend-i buradan izləyin

Bakı. Trend:

"Azercell Telekom" MMC öz fəaliyyətini olduğu şəkildə tam gücü ilə davam etdirir. Bunu Trend-ə Azercell-in korporativ ünsiyyət rəhbəri Nigar Şıxlinskaya bildirib.

O əlavə edib ki, ölkənin aparıcı mobil operatoru olan "Azercell Telekom" 4,5 milyonluq abunəçi ailəsinə ən yüksək səviyyədə mobil rabitə xidmətləri göstərir və 20 il ərzində olduğu kimi tam gücü ilə bazarda öz lider mövqeyini qoruyub saxlayır: "Hazırda Azercell Telekom-a qarşı davam edən heç bir təhqiqat işi mövcud deyil, İsveç prokurorluğu "Bloomberg" agentliyinin istinad etdiyi Azərbaycana dair təhqiqat işini bu yaxınlarda bağlı elan etdi".

N.Şıxlinskaya qeyd edib ki, bundan basqa, 1 iyun 2016-ci il tarixindən qüvvəyə minən "Lisenziyalar və icazələr haqqında" Azərbaycan Respublikasının Qanununa uyğun olaraq, "Azercell Telekom" MMC-nin mövcud lisenziyaları qeyri-məhdud müddətə uzadılmış hesab edilir.

Məqalədə:
Xəbər lenti

Xəbər lenti