...

Azərbaycan RRB poçt komissiyasının növbəti iclasında iştirak edəcək

Telekommunikasiya Materials 25 Fevral 2006 13:29 (UTC +04:00)

Azərbaycan rabitə sahəsində Regional Birliyin (RRB) poçt rabitəsi üzrə komissiyasının növbəti 22-ci iclasında və RRB poçt rabitəsi operatorları Şurasının 11-ci müşavirəsində iştirak edəcək. Aprelin 21-də Riqada keçiriləcək iclaslarda nazirliyin poçt rabitəsi şöbəsinin müdiri Novruz Məmmədov iştirak edəcək.

Aprelin 19-20-də Riqada həmçinin RRB nümayəndələri üçün "Poçt xidmətləri və bazarların inkişafı" mövzusunda beynəlxalq seminar keçiriləcək. N.Məmmədov Trend ə bildirib ki, Azərbaycan ölkənin poçt şəbəkəsinin təkmilləşdirilməsi üzrə Dünya Bankı ilə həyata keçirilən layihəyə dair təqdimetmə ilə çıxış edəcək. Təşkilatın ötən müşavirələri dekabrda Parisdə keçirilib və orada Azərpocht DM baş direktorunun müavini Sübhan Kazımov iştirak edib. Görüşdə RRB rabitə administrasiyası nümayəndə heyəti ilə bağlı məsələlər müzakirə edilib.

Xəbər lenti

Xəbər lenti