Birinci yarımildə Azərbaycanda 76 yeni poçt şöbəsi istismara verilib.
Trend in Rabitə və İnformasiya Texnologiyaları Nazirliyinin mətbuat xidmətinə istinadən xəbər verdiyi kimi, bu dövr ərzində 664 ədəd poçt qutusu quraşdırılıb. 38 obyektdə təmir-bərpa işləri həyata keçirilib. Bu obyektlərin 35-i poçt şöbəsi, 3-ü isə rabitə evidir.
Bakı qəsəbələrinin sosial-iqtisadi inkişafının sürətləndirilməsi çərçivəsində Horadil, Zabrat və Ramanada poçt şöbələri istismara verilib. Sahil, Bakıxanov, Sabunçu, Əhmədli, Lökbatan, Şüvəlan və digər qəsəbələrdə analoji obyektlərin inşasına başlanıb.
