Mobil rabitə operatoru Bakcell Naxçıvan Muxtar Respublikasında (NMR) xidmət göstərilməsi üzrə texniki işlər görür. Bu barədə Trend ə NMR-in Bakıdakı daimi nümayəndəliyindən xəbər verilib.
İşlərə xidmətlərin göstərilməsi üçün müvafiq texniki bazanın yaradılması, NMR-in müəyyən yerlərində baza stansiyalarının quraşdırılması daxildir.
Nümayəndəlikdə qeyd ediblər ki, martın 1-dən tətbiq edilən CDMA texnologiyasını nəzərə almasaq, hazırda Azərcell NMR-də yeganə mobil rabit operatorudur. Azərcell İB Naxçıvan MR-in 80-85% ərazisini əhatə edərək, 25 mindən artıq abunəçiyə xidmət göstərir.
Nümayəndəlikdə hesab edirlər ki, bütün tədbirlərə baxmayaraq, NMR-də daha bir neçə mobil rabitə operatorunun işləməsinə ehtiyac var.
