Telekommunikasiya informasiya texnologiyaları üzrə BakuTel-2006 12-ci beynəlxalq sərgidə dünyanın 20 ölkəsinin nümayəndələrinin iştirak edəcəyi gözlənilir. Trend Azərbaycanın Rabitə və İnformasiya Texnologiyaları Nazirliyinin mətbuat xidmətinə istinadən xəbər verib ki, iştirakçı şirkətlərin sayının 120-ni keçəcəyi, o cümlədən iştirakçılar arasında ABŞ-ın 15 şirkətinin də olacağı ehtimal olunur.
Sərginin əsas bölmələri aşağıdakılardır:
- Telekommunikasiyalar və şəbəkələr
- İT və ofis texnologiyaları
-Kabel və simsiz rabitə
- Sputnik rabitəsi və texnologiyalar
- Teleradio yayım avadanlıqları və texnologiyaları
- Bank texnologiyaları və xidmətləri
-Təhlükəsizlik sistemləri
-genişzolaqlı rabitə və texnologiyalar
-Proqram təminatı və avtomatlaşdırma sistemləri
- G-biznes & G-hökümət
Sərgidə aşağıdakıların təqdimatı planlaşdırılıb:
-Advantek International, Inc. - Vetrogeneratorlar, simsiz çıxış sistemləri
-AB SkyBell Communications-İnternetə çıxış xidmətləri: Dial-up, ADSL, Leased Lines
-Alcatel -IPTI, My Music, My Iideo
- AZEL (Azerbaijan Electronics) -Epson məhsulunun təqdimatı, yeni Lazer xətti
- FOREX-AZ MMC- Müştərilərin aktivlərinin etibarlı idarəsi
-Hesfibel-Caspian Communication and Trade LTD -Optical data cabinest
-Rustelcom -Magelan multi-servis sistemi
Bundan başqa, sərgi çərçivəsində həmçinin "Xüsusi iqtisadi zonalar: Azərbaycanda davamlı inkişafın yeni istiqaməti" adlı beynəlxalq konfrans keçiriləcək.
BakuTel sərgisinin əsası 1995-ci ildə qoyulub və sərgi hər il keçirilir. Ötən il sərgidə dünya ölkələrindən 100-dən çox şirkət iştirak edib. BakuTel- 2006 sərgisi İTE Group PLC beynəlxalq sərgi şirkəti və onun Qafqazda eksklüziv tərəfdaşı İteca Caspian LLC tərəfindən təşkil edilib.
Bu il ilk dəfə sərgi dövlət başçısı İlham Əliyevin himayəsi altında keçəcək.
