Azərbaycan və Qazaxıstan TAA (Trans-Asiya-Avropa) Xəzər seqmentinin çəkilişi layihəsi çərçivəsində danışıqları davam etdirirlər. Bu zaman kabelin Türkmənistan ərazisindən çəkilməsi imkanları nəzərdə tutulmur. Bu barədə Trend ə Azərbaycanın rabitə və informasiya texnologiyaları nazirinin müavini İltimas Məmmədov məlumat verib.
Hazırda bu layihənin hüquqi məsələləri həll olunur, - deyə o qeyd edib. TAA (Trans-Asiya-Avropa) Xəzər seqmentinin səkilişi layihəsi çərçivəsində Azərbaycan, Qazaxıstan, Gürcüstan və Türkiyə konsorsium yaratmaq niyyətindədir.
Layihə, həmçinin, ABŞ tərəfindən dəstəklənir və layihənin gercəkləşdiriləcəyi təqdirdə Azərbaycanda "Data" mərkəzlərinin yaradılması baxımından yüksək qiymətləndirilir. Bu mərkəzlər vasitəsilə Qərbdəki informasiya kontentlərini Şərqə istiqamətləndirmək mümkün olacaq.
