Azərbaycan Rabitə və İnformasiya Texnologiyaları Nazirliyi müəssisələrinin tərkibinə daxil olan Bakı Telefon Rabitəsi İstehsalat Birliyi yeni tariflər əsasında rabitə xidmətləri göstərməyə hazırdır. Trend xəbər verir ki, bu barədə İB-nin başçısı Beytulla Hüseynov məlumat verib.
Onun sözlərinə görə, bu istiqamətdə işlər görülür. "İlin sonunadək xidmətlərimizi limit əsasında təşkil edəcəyimizə ümid edirik", - deyə B.Hüseynov qeyd edib.
Mayın 1-dən Azərbaycanda beynəlxalq telefon danışıqlarına, əhali üçün telefon abunə haqqı, AzstateNet dövlət internet-xidməti, xüsusi rabitə, ümumi istifadə telekommunikasiya şəbəkəsinin nömrələrindən istifadə və ayrılmaya görə tariflərin dəyişilməsi haqqında qərar təsdiq olunub.
Ölkənin Rabitə Nazirliyi xidmətlərin ödənilməsi üzrə 2 tarif paketi hazırlayıb - əhali üçün və beynəlxalq telefon danışıqları üçün.
