Trend xəbər verir ki, rabitə naziri Əli Abbasov bildirib ki, Azərbaycan Rabitə və İnformasiya Texnologiyaları Nazirliyi elektron hökumət layihələrinin realizəsi üçün maliyyə mənbələrinin müəyən edilməsi istiqamətində iş aparır.
Onun sözlərinə görə, 2007-ci maliyyə ilində Dünya Bankı Azərbaycanda bu sistemin tətbiq edilməsi üçün 30 mln. dollar vəsait ayırmağa hazırdır.
Bir müddət öncə Azərbaycan Rabitə Nazirliyinin nümayəndə heyətinin ABŞ-a səfəri zamanı DB nümayəndələri ilə görüşdə bankın Azərbaycanda "Elektron hökumət" modelinin yaradılması layihəsini yüksək qiymətləndiməsi bildirilib. Elə bu görüşdə də bank layihənin realizəsi üçün Azərbaycana 30 mln. dollar ayrılması barədə qərar verib.
Ə.Abbasov bildirib: "Bundan başqa, elektron hökumətin tətbiqi sahəsində böyük təcrübəyə malik Koreya da mövcud olan hökumətlərarası razılaşma çərçivəsində Azərbaycana maliyyə dəstəyi ayırmağa hazır olduğunu bildirib. Üstəgəl, təbii ki, bu işdə bizim hökumətin də payı olacaq".
