Azərbaycan Rabitə və İnformasiya Texnologiyaları Nazirliyinin Aztelekom İstehsalat Birliyi (İB) Azərbaycan bölgələrinin rabitəsini yenidən qurmaqda davam edir. İşlərin görüldüyü bölgələrdən biri Beyləqandır. Trend Rabitə Nazirliyinə istinadən xəbər verir ki, Beyləqan rabitəsinin elektronlaşdırılmasına 2003-cü ildə başlanılıb. 3 il ərzində mərhələlər üzrə rayonun ərazisində rabitənin keyfiyyətinin yaxşılaşdırılması üzrə işlər həyata keçirilib.
Bu il Çəmənli kəndində 224 nömrə, Binnətlidə 256 nömrə, Gedəkli kəndində 50, kəndində - 128 nömrə tutumlu EATS quraşdırılıb.
Hazırda Əmirzeyidli kəndində 128 nömrə, Qarallarda - 200 nömrə, İmamverdilərdə - 128 nömrə tutumlu stansiyalar üzrə tikinti-montaj işləri görülür.
Bundan başqa, burada həmçinin rabitənin TAA-ya qoşulması üzrə işlər görülüb, İnternetə çıxış imkanları genişləndirilib.
Əhalinin müraciətləri əsasında İnternet-klubların sayı artıb.
Sadalanan işlər 2005-2008-ci illərdə Azərbaycanda rabitə və informasiya texnologiyalarının inkişafı üzrə dövlət proqramı çərçivəsində (Elektron Azərbaycan) həyata keçirilib.
