Azərbaycan,Bakı/müxbir Trend S.Babayeva/Azərbaycanın Rabitə və İnformasiya Texnologiyaları Nazirliyi İnternet-saytların təhlükəsizliyi məsələsini həll etmək niyyətindədir. Bu barədə nazirliyin mətbuat xidməti informasiya cəmiyyətinin inkişafı şöbəsinin rəhbəri Rüfət Gülməmmədova istinadən məlumat verib.
Əsasən xakerler tərəfindən hücuma məruz qalan dövlət müəssisələri saytlarının texniki ekspertizası aparılacaq. İnformasiya resurslarının reyestrinin yaradılması barədə təkliflər var. Nazirlik nümayəndəsi qeyd edib ki, xaker hücumlarından yayınmaq səviyyəsi saytın hazırlanmasından saytın yerləşdiyi serverə qədər olan keyfiyyətdən asılıdır.
Bu gün Azərbaycan dövlət müəssisələrinin veb-saytlarının təhlükəsizliyinin təmin olunması problemi olduqca aktualdır. Belə ki, sonuncu iki hadisə - Azərbaycanın İctimai Televiziyası ( www ) və 2006-cı ilin yayında Azərbaycan Milli Elmlər Akademiyasının saytının hücuma məruz qalması faktları olub.
Mütəxəssislər hesab edir ki, Azərbaycan saytalarının problemləri müvafiq təhlükəsizlik sisteminin olmamasından ibarətdir. Dizayn, portalda yerləşdirilmiş materialların həcminə üstünlük verən sayt yaradıcıları bu problemə yetərincə diqqət ayırmır.
Bu cür problemlərin qarşısını almaq üçün normativ-hüquqi və texniki server bazasının gücləndirilməsi nəzərdə tutulub.