Azərbaycan,Bakı/ Trend /Azərbaycanın rabitə və informasiya texnologiyaları naziri Əli Abbasov Belarusun Milli Elmlər Akademiyasının prezidenti Mixail Myasnikoviçlə görüşüb. Bu barədə nazirliyin mətbuat xidmətindən məlumat verilib.
Danışıqların predmeti informasiya-kommunikasiya texnologiyaları sahəsində əməkdaşlığın genişləndirilməsi olub.
Onlar "Elektron Azərbaycan" və "Elektron Belarus" proqramlarını, texnoparkların yaradılması, rabitə peyklərinin buraxılması və bu sahələrlə bağlı mümkün əməkdaşlığın yollarını müzakirə ediblər.
Myasnikoviç qeyd edib ki, Azərbaycanda IT-in inkişafını yüksək qiymətləndirir və bildirib ki, ölkələr arasında bu istiqamətlər üzrə daha sıx əməkdaşlığa ümid bəsləyir.
