...

İsrail şirkəti Azərbaycana AzərSat layihəsi çərçivəsində əməkdaşlıq təklif edib

Telekommunikasiya Materials 26 May 2007 15:14 (UTC +04:00)

Trend-i buradan izləyin

Azərbaycan, Bakı/ Trend müxbir S.Babayeva/ İsrailin Amos peyk şirkəti Azərbaycanın Rabitə və İnformasiya texnologiyaları Nazirliyinə Azərsat milli peykinin buraxılışında iştirak etməklə bağlı təkliflər verib. Bu barədə şənbə günü nazirlikdən məlumat verilib. Bu layihə ilə artıq 6 şirkət maraqlanır.

Nazirlikdən bildiriblər ki, bir ay müddətində daxil olan bütün təkliflərə baxılacaq və daha münasib təklif və tarifləri olan təklif seçiləcək.

"Ola bilər ki, iki şirkət seçilsin, həm hazırlanma, həm də buraxılış üçün",-deyə nazirlikdən bildirilib.

AzerSat layihəsi 80-100 mln. dollar dəyərində qiymətləndirilir və Nazirlik bunu iri maliyyə təşkilatlarının cəlb olunması ilə həyata keçirilməsi nəzərdə tutub. Layihə iqtisadi əsaslarla baş tutacaq. Onun əhatə dairəsinə isə Avropa və Asiyanın bir hissəsi - Qazaxıstan, Türkmənistan və İran daxildir.

2008-ci ildə Azərbaycan peyk üçün orbitdə yer almağı planlaşdırır. Onun buraxılışı isə 2010-cu ildə mümkündür.

Azərbaycan bu peykin gücünün bir hissəsini satmaq niyyətindədir. Belə ki, ölkə yalnız bunun 20-25 faizindən istifadə etmək gücündədir.

Xəbər lenti

Xəbər lenti