Azərbaycan, Bakı, 21 iyul /Trend, müxbir A.Axundov/
Azərbaycanın dövlət lizinq şirkəti "Aqrolizinq" Balakən, Şabran və Lənkəran rayonlarında aqroservis filiallarının tikintisi işlərinin satınalması üzrə tender elan edib. Bu barədə Tender Komissiyasının şənbə günü yaydığı məlumatda deyilir.
Tenderin ikinci lotu şirkətin rayon aqroservis filiallarında emalatxanaların təmiri üçün avadanlıqların satınalmasını təklif edir.
Birinci lot üzrə iştirakın dəyəri bir min manat, ikinci lot üzrə 400 manatdır.
Tender təklifləri 4 sentyabr saat 17:00-dək qəbul edilir.
Bu gün dövlət şirkətinin aqroservis filialları ölkənin 55 rayonunda fəaliyyət göstərir.