Azərbaycan, Bakı, 12 sentyabr /Trend, müxbir Emil İsmayılov/
İqtisadiyyat və Sənaye Nazirliyinin "Sumqayıt Kimya Sənaye Parkı" MMC daxili yolların və əsas giriş yolların tikintisi üzrə tender elan edib. Bu barədə Trend rəsmi mətbuatda dərc edilən məlumata istinadən xəbər verir.
Yolların tikintisi üzrə işlər aşağıdakı ünvanda aparılacaq: Sumqayıt, Kimyaçılar küçəsi, 1.
Tender iki lotdan ibarətdir. Lotlara daxili avtomobil yollarının və əsas giriş yollarının tikintisi üzrə işlər daxildir.
Tenderdə iştirak etmək istəyənlər iştirak haqqında arayış və digər sənədləri 16 oktyabr 2014-cü il saat 17:00-dək təqdim etməlidirlər.
Tender təklifləri 27 oktyabr saat 17:00-dək təqdim olunmalıdır. I lot üzrə tender təkliflərinin açılması saat 28 oktyabr 15:00-da, ikinci lot üzrə isə saat 17:00-da baş tutacaq.
Əlavə məlumat almaq üçün:
Əlaqələndirici şəxs: Natiq Rzazadə
Ünvan: Bakı, Xocalı prospekti, 37, Demirchi Tower;
Telefon: (+99412) 488 80 65.
