Bakı. Trend:
İsrail Hərbi Hava Qüvvələrinə məxsus qırıcılar Livanın paytaxtı Beyrutun cənubunda "Hizbullah" təşkilatının obyektlərinə hücum ediblər.
Trend xəbər verir ki, bu barədə yerli mülki müdafiə xidmətindən məlumat verilib.
Bildirilir ki, universitet şəhərciyinin yaxınlığında baş verən güclü partlayış ətraf yaşayış məntəqələrində də hiss olunub.
Agentliyə danışan mənbə, partlayışın gücünü və səmaya qalxan qara tüstü sütununu nəzərə alaraq, hücumun silah və ya neft məhsulları olan bir anbara endirildiyini vurğulayıb.