...

Arzu Nağıyev: Rusiya ilə Azərbaycan arasında tarixi dostluq və əməkdaşlıq əlaqələri mövcuddur

Nəzər nöqtəsi Materials 5 Sentyabr 2018 19:33 (UTC +04:00)
Rusiya ilə Azərbaycan arasında tarixi dostluq və əməkdaşlıq əlaqələri mövcuddur.
Arzu Nağıyev: Rusiya ilə Azərbaycan arasında tarixi dostluq və əməkdaşlıq əlaqələri mövcuddur

Bakı. Samir Əli - Trend:

Rusiya ilə Azərbaycan arasında tarixi dostluq və əməkdaşlıq əlaqələri mövcuddur. Demək olar ki, bu, bütün sahələri əhatə edir. İstər iqtisadi, istər siyasi, mədəni və hərbi sahələrdə ikitərəfli tərəfdaşlıq əlaqələri var.

Trend-in məlumatına görə, bunu siyasi ekspert Arzu Nağıyev bildirib. O qeyd edib ki, Azərbaycan və Rusiya prezidentlərinin Soçi görüşündə imzalanan çoxsaylı sənədlər də bunu deməyə əsas verir. Hər iki dövlət başçısının şəxsi münasibətləri də yüksək səviyyədə olduğu üçün bu proseslər dinamik inkişaf edir. Bir sıra sahələrdə münasibətlər artıq strateji əhəmiyyətlidir. Azərbaycan Rusiya hərbi–sənaye kompleksi ilə sıx əlaqəlidir və ən mühüm istehlakçılardan biridir.

A.Nağıyev bildirib ki, Azərbaycanın daxili və xarici siyasətində ən prioritet istiqamət məhz Dağlıq Qarabağ münaqişəsinin həlli olduğu üçün və Rusiya da ATƏT–in Minsk Qrupunun həmsədr dövləti kimi Ermənistana təzyiq mexanizminə və bu problemin həllində mühüm rola malikdir. Siyasi ekspertin qənaətincə, bu istiqamətdə işlər davam etdirilməlidir:

“Eyni zamanda, Azərbaycan tranzit bir dövlət kimi, ticarət və digər dəhlizlərə malik olduğuna görə, Rusiya üçün əhəmiyyət kəsb edir. Bununla yanaşı, hər iki ölkə birgə sərmayə qoyuluşu ilə mühüm iqtisadi layihələr həyata keçirə bilərlər”.

Ekspert qeyd edib ki, bu layihələr həm neft-qaz, həm də qeyri-neft sahələrinin inkişafına müsbət təkan verə bilər.

Məqalədə:
Xəbər lenti

Xəbər lenti